Leita í fréttum mbl.is

Mega flottar stelpur!!!!

Ég fylltist enn meira stolti og gleði yfir frammistöðu íslenska kvennalandsliðsins í fótbolta í kvöld en ég geri þegar "strákarnir okkar" í handbolta sigra í leikjum.  Í þetta sinn bættist "kvenfrelsisgleðin" við því þessa dagana hefur komast íslenskur kvennafótbolti á annað stig -  ekki síst fyrir þær sakir að þær hafa fengið þjóðina í lið með sér, aldrei fleiri áhorfendur á vellinum, en fleiri horfðu heima í sófa - nöfnin þeirra hljóma, við erum að læra þau, um þær er talað!!!! Ýmsir hafa orðið að éta ofan í sig orð sín um kvennafótbolta síðustu daga og gaman að sjá hér á blogginu hversu margir eru tilbúnir til að verða "betri" menn. 

Sæti í Evrópumeistarakeppni landsliða hefur aldrei verið "meira" í augsýn í íslenskum fótbolta og ég spyr aftur: Hvers virði er það fyrir KSÍ og Íþróttahreyfinguna í heild að eiga lið sem hefur fræðilegan möguleika á að verða Evrópumeistari í fótbolta? Hvað eru og ætla ráðamenn hreyfingarinnar að gera til að styðja liðið á sigurbraut sinni?


mbl.is Fimm marka sigur Íslands á Serbum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ingibjörg Hinriksdóttir

Sæl vinkona, 

Hvers virði er það fyrir KSÍ og Íþróttahreyfinguna í heild að eiga lið sem hefur fræðilegan möguleika á að verða Evrópumeistari í fótbolta?

Þetta hefur stjarnfræðilegt gildi fyrir KSÍ og íþróttahreyfinguna í heild. Ekki aðeins vegna þeirra möguleika sem opnast fyrir stelpurnar sjálfar og áhugamáli þeirra fótboltanum þar sem þær munu fá tækifæri til að stunda íþrótt sína á hærra plani en þær eiga möguleika á hér heima, heldur einnig og ekki síður vegna hróðurs íslenskrar knattspyrnu í heild. Ég hef haldið því fram í mörg ár að íslenska kvennalandsliðið í fótbolta eigi erindi í úrslitakeppni á stórmóti og ég mun halda áfram að halda því fram a.m.k. þangað til við náum því markmiði. En ég minni þó á að núna eru aðeins búnir 3 leikir af 8 í keppninni og það er ekki enn kominn hálfleikur. Stelpurnar eiga eftir að leika gegn bæði Frökkum og Serbum ytra, þar verða þær að eiga toppleiki til að ná í markmið sitt. Stelpurnar hugsa líka um einn leik í einu og ég hef enga trú á því að nokkur þeirra sé farin að hugsa um Evrópumeistaratitil.

Hvað eru og ætla ráðamenn hreyfingarinnar að gera til að styðja liðið á sigurbraut sinni?

KSÍ hefur markvisst unnið að því að bæta umgjörðina í kringum kvennaboltann, þar hafa verið tekin ótal mörg skref í rétta átt. Sumum finnst að þau skref hefðu í dag átt að vera fleiri eða stærri en ég er sátt við stöðuna eins og hún er og treysti því að með sigrum eins og í kvöld og gegn Frökkum á dögunum verði áframhald á þeirri uppbyggingu tryggt til framtíðar. Stundum eru skrefin þannig að þeir sem ekki koma að liðinu sjá þau ekki, stundum sjást skrefin sannarlega líkt og í kvöld þegar markmiðið um áhorfendamet var slegið með glæsibrag.

En það má ekki sofna á verðinum og stuðningur áhorfenda í kvöld var ekki aðeins stuðningur í þessum eina leik, þessi stuðningur mun hafa áhrif langt inní knattspyrnuhreyfinguna, ekki bara hjá KSÍ heldur einnig hjá félögunum sem mörg hver eru ótal skrefum á eftir KSÍ þegar kemur að kvennaboltanum. Þar er verk að vinna.

Ingibjörg Hinriksdóttir, 22.6.2007 kl. 01:00

2 Smámynd: Ingibjörg Hinriksdóttir

ps. gaman að sjá þig blogga um fótbolta!  Þú kemur stöðugt á óvart!

Ingó

Ingibjörg Hinriksdóttir, 22.6.2007 kl. 01:09

3 Smámynd: Vilborg Valgarðsdóttir

Frábært hjá stelpunum

Vilborg Valgarðsdóttir, 22.6.2007 kl. 11:08

4 Smámynd: Ólafur Haraldsson

Stemmingin á vellinum í gær var meiriháttar. Hingað til hefur verið einhver landlæg írónía í bland við feimni meðal áhorfenda á landsleikjum. En ekki núna. Krafturinn, gleðin og baráttan í liðinu smitaði áhorfendur sem á móti brýndu raustirnar og hvöttu liðið áfram. Síðustu tíu mínúturnar voru nánast stanslaus hylling. Sjaldgæft að upplifa það á Laugardalsvellinum.

Eins og ég hef áður sagt er ég á þeirri skoðun að það væri hollast fyrir þjóðarsálina og stoltið að setja allan peninginn í kvennaboltann á Íslandi. Heyrði aðra hugmynd í morgun sem myndi virka jafn vel: Árangurstengjum framlögin.

bestustu,

Ó. 

Ólafur Haraldsson, 22.6.2007 kl. 13:34

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ása Richardsdóttir
Ása Richardsdóttir

Alþjóðasinni, umhverfissinni, feministi.  Framkvæmdastjóri í listum - góð blanda af businesshugsun og ástríðu virkar best.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband