Hvað fá stelpurnar versus strákarnir?

Gaman væri að vita hversu miklum fjármunum og orku KSÍ eyðir í landslið kvenna í knattspyrnu versus karlaliðið.  Mér skilst að þær hafi verulega möguleika á að komast á Evrópumeistaramót í knattspyrnu en þangað hafi karlaliðið aldrei komist.

Maður fær það stundum á tilfinninguna að ráðamönnum sumum í íþróttahreyfingunni finnist ennþá kvennalið í boltaíþróttum vera  einhver hliðarbúgrein sem skipti litlu máli í hinu stóra samhengi karlaíþrótta.  Stelpurnar hafa verið ófeimnar við að vekja athygli á sér og sínu starfi í gegnum óvenjulegar auglýsingaherferðir og fleira og eru óhræddar við að taka stórt upp í sig sbr. komment Ásthildar í gær um "besta íþróttaliðið á landinu." En njóta þær þess stuðning sem þær þurfa til að geta einbeitt sér að því verkefni komast á Evrópumótið?  Hvers virði er það fyrir KSÍ að eiga lið sem sem hefur fræðilegan möguleika á að verða Evrópumeistari í fótbolta?

"Hún er ótrúlega markheppin, stelpan"

Athugasemdir

[DoctorE (IP-tala skráð) 16.6.2007 kl. 17:33]

Mitt álit hefur og verður alltaf að laun eigi að vera árangurstengd, húrra fyrir dömunum og auðvitað eiga þær að fá bónus, ekki spurning!!

[María Kristjánsdóttir, 17.6.2007 kl. 11:35]

Og svo stóðu þær sig betur en strákarnir- nema hvað!